کوئٹہ۔ 30 مارچ (اے پی پی) متحدہ قومی موومنٹ بلوچستان نا سینئر راہشون سید لیاقت آغا کوئٹہ پریس کلب نا پوسکن گچین مروک آ کابینہ ءِ مبارکباد پیش کرینے۔ جاری بیان اٹی او پارے کہ اومیت ءِ صدر عبدالخالق رند و جنرل سیکرٹری بنارس خان تون اوار پوسکن گچین مروک آ کابینہ مستین نا روایت آتے برقرار تخسا گچین کاری تیٹی سرسہبی دوئی کرینو ہراڑا صحافی برادری مبارکباد نا حقدار ءُ۔ اوپارے کہ صوبہ نا حق انا دوئی کننگ اٹ ہم بلوچستان نا صحافیک اہم ءُ کڑد اس ادا کرینو و اومیت کینہ کہ پوسکن گچین مروک آ صدر عبدالخالق رند تینا کابینہ تون اوار بلوچستان نا الس و صحافی تا حق انا دوئی کننگ اٹ تینا پبی کڑد ءِ ادا کیک۔
