اسلام آباد۔ 29 مارچ (اے پی پی) وزیراعظم محمد شہبازشریف پارینے کہ حکومت ہر بشخ اٹی زالبول آتا شمولیت کن اولیتی بنداو تیا کاریم کننگ اٹی ءِ، آئین پاکستان غٹ ادارہ غاتا نیام اٹ بریبری نا ضامن ءِ، پارلیمنٹ ءِ انتظامی امور اٹی گچینی کن کانود سازی نا اختیار دوئی ءِ۔ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ وزیراعظم پاکستان مسلم لیگ (ن) آن تعلق تخوک آ زالبول پارلیمنٹرینز آتا 18 باسکی ڈل اتون گپ وتران کرساکرے ہرافک چارشنبے نادے آداڑترون اوڑتون اوڑدہی کریر۔ اوڑدہی ٹی وزیراعظم پارلیمنٹ اٹی زالبول پارلیمنٹرینز آتا فعال کڑد انا ستاءِ کرسا پارے کہ زالبول پاکستان نا آبادی نا 51 درسد ءُ، کانود سازی ٹی زالبول آتا اوار مننگ بھاز اہمیت تخک۔ حکومت ہر بشخ اٹی زالبول آتا اوار مننگ کن اولیتی بنداو تیا کاریم کننگ اٹی ءِ۔ وزیراعظم پارے کہ آئین پاکستان غٹ ادارہ غاتا نیام اٹ تواز ن نا ضامن ءِ۔ پارلیمنٹ ءِ انتظامی امور اٹی گچینی کن کانود سازی نا اختیار دوئی ءِ۔ پنجاب اٹی تینا دور ءِ حکومت اٹی زالبول آتے واکدار کننگ کن بھاز انگا گام گیج آتے کرین ہرافتے ٹی زالبول آتا حق انا بابت کانود سازی ہم اوار ئسک۔
