اسلام آباد۔ 29 مارچ (اے پی پی) وزیراعظم محمد شہباز شریف قومی اسمبلی ءِ باوری کرفے کہ وقفہ سوج آتیٹی آفیسر ز گیلری ٹی سرکاری آفیسر آتا ساڑی گری نا ویل ءِ ایسر کرفنہ۔ چارشنبے نادے آ قومی اسمبلی ٹی وقفہ سوج آتیٹی قائد حزب اختلاف راجہ ریاض احمد نا کنڈآن چست کروک آ ٹیک آتا ورندی ءِ تسکہ۔ داکان مست قائد حزب اختلاف راجہ ریاض احمد پارے کہ سرکاری گیلری تیٹی وقفہ سوج آتیٹی تعلقدار سرکاری ادارہ غاتا آفیسر آک ساڑی مفسہ۔ اسپیکر پارے کہ ای مہالو آن دا بابت پارت کرینٹ کہ گریڈ 20 و اوکان بڑز انا آفیسر آک وقفہ سوج آتیٹی گیلری ٹی ساڑی مریر۔ وزیراعظم محمد شہباز شریف پارے کہ او دا ویل ءِ ایسر کرفک۔
