اسلام آباد۔ 29 مارچ (اے پی پی) بنجائی وزیر خزانہ و محصولات سینیٹر محمد اسحاق ڈار تون چارشنبے نادے آ داڑے پاکستان اٹی متحدہ عرب امارات نا سفیر حما دعبید ابراہیم سلیم الزابی اوڑدہی کرے۔ وزارت خزانہ نا ترجمان نا رداٹ اوڑدہی ٹی پاکستان و یواے ای نا نیام اٹ ہڑتوم آ کنڈآتا اقتصادی و مالی تعلقداری تے پین سوگو کننگ نا بابت امور نا جاچ ءِ ہلنگا۔ وزیرخزانہ ہڑتوم آملک آتا نیام اٹ تاریخی و دوستانہ تعلقداری تے مون آ تخا۔ اوپارے کہ یواے ای پاکستان نا اہم سنگت و ایلم اسلامی ملک ءِ و ہڑتوم آ ملک آتا نیام اٹ گچین تعلقداری ءِ۔ وزیرخزانہ پاکستان اٹی کاروبار و زرکاری کن حکومت نا کنڈآن تروک آ سازگار چاگڑد و آسراتی تیان ہم اودے معلومدار کرے و پارے کہ پاکستان زرگزران نا چندی بشخ آتیٹی یواے ای نا کنڈآن پین زرکاری نا ستا ءِ کیک۔
