اسلام آباد۔ 29 مارچ (اے پی پی) قومی اسمبلی ءِ سمندرپار پاکستانی تا وزارت نا کنڈآن پاننگانے کہ سمندر پار پاکستانی تیکن خصوصی عدالت زوت جوڑ کننگک ۔ چارشنبے نادے آ قومی اسمبلی ٹی وقفہ سوج آتیٹی ڈاکٹر مہرین رزاق بھٹو نا سمندر پار پاکستانی تیکن خصوصی عدالت آتا جوڑ کننگ نا بابت سوج انا ورندی ٹی پارلیمانی سیکرٹری آغا رفیع اللہ پارے کہ سمندر پار پاکستانی تیکن خصوصی عدالت آتا جوڑ کننگ وخت انا اہم ءُ گرج اسے، دا اِرا سال آن پدسلوک باندات اسے، وزارت کانود ننا کوشست آتا سوب آن دا باندات ءِ ایسر کننگ نا عندیہ پاش کرینے۔ سید جاوید حسنین نا سوج انا ورندی ٹی آغا سید رفیع اللہ پارے کہ سمندر پار پاکستانی تا گچینی کن کمیشن نا سلاہ و سوج آتیا عملدرآمد کننگک۔
