اسلام آباد۔ 29 مارچ (اے پی پی) چیئرمین سینیٹ محمد صادق سنجرانی نا سیکرٹری جنرل آئی پی سی و مسکوہی سینیٹر ستارہ ایاز نا اسلام آباد اٹی واقع ہنکین آ ہنا او ستارہ ایاز تون اونا لمہ نا کزیت آ ہڑزخواہی نا درشانی ءِ کرے و ایماندار نا روح انا ثواب کن دعا پاتیا کرے۔ چیئرمین سینیٹ ایماندار نا بخشش و درجہ غاتا بڑزی کن دعا کرے کہ اللہ تعالیٰ غمزدہ خاہوت ءِ دا صدمہ ءِ سگنگ نا ہمت عطاکے۔ اوپارے کہ ڈکھیائی نا دا ساہت اٹی نن مسکوہی سینیٹر ستارہ ایاز و اوناخاہوت نا غم اٹی شریک ءِ۔ چیئرمین سینیٹ تون اوار سینیٹرز مشاہد حسین سید، عبدالقادر ، پرنس احمد عمر احمد زئی، بہرہ مند تنگی و نصیب اللہ بازئی ئسک ہم ئسر۔ غٹ سینیٹر آک ہم دا وخت آ مسکوہی سینیٹر ستارہ ایاز و اونا خاہوت تون ہڑزخواہی کریر۔
