اسلام آباد۔ 29 مارچ (اے پی پی_) وزیر دفاع خواجہ محمد آصف پارینے کہ ملک انا پاور سٹرکچر اٹی اوار عدلیہ، اسٹیبلشمنٹ ، میڈیا تون اوار غٹ سٹیک ہولڈڑ آک اواری اٹ تولر تو ایسر اس پیش تمنگ کیک۔ پی ٹی آئی نا ہرا بندغ آگپ وتران کن بریرہ اوفتے تون مینڈیٹ ہی مفک، ہنداسوب آن اِرا مسہ تُو آن اوفتے تون مروک آ اوڑدہی تیٹی ہچ ءُ پیش رفت اس متنے۔ او چارشنبے نادے آ بنجائی وزیر اقتصادی امور سردار ایاز صادق تون اوار سپریم کورٹ نا پیشن میڈیا تون گپ وتران کریکہ۔ وزیر دفاع خواجہ محمد آصف پارے کہ گپ وتران بیرہ گپ وتران نا حد اسکان بایدے مف، اگہ ننے دا مین آن پیش تموئی ءِ تو پاور سٹرکچر نا غٹ سٹیک ہولڈر آک اواری اٹ تولر، بیرہ سیاست دان آک سٹیک ہولڈر افس، 75 سالہ ملکی تاریخ پاہک کہ پاور سٹرکچر اٹی پین ہم اسٹیک ہولڈرز ارے، غٹ اواری اٹ گپ وتران نا کنڈآ کار تو اوٹی سرسہبی نا گمان ارے۔ بیرہ سیاست دان تا نیام اٹ گپ وتران مروئی ءِ تو اوٹی سرسہبی نا گمانءِ سمجھپرہ۔ اوپارے کہ تدوک آ اِرا تُو اٹی رابطہ مسنے، پی ٹی آئی نا کنڈآن ہرابندغ آک بریرہ اوفتے تون مینڈیٹ مفک او گپ شپ خلسا پدی کارہ۔ دا تدوک آ اِرا، مسہ تُو اٹی مسنے۔ اوپارے کہ پاور سٹرکچر اٹی عدلیہ، اسٹیبلشمنٹ و میڈیا سٹیک ہولڈر آک ءُ ، غٹ آن وڑانا وڑاسے ٹی اوار تولر تو ایسر اس پیش تمنگ کیک۔ اوپارے کہ آئین اٹی ترمیم آن پد گڑاس گچینی بسنے، اینو ہم عدالت اٹ داڑا شرہ مننگ ءِ کہ فیصلہ ہراکچ آن ءِ ، نن دا ڑا کمنٹ کننگ کپنہ ولے اسہ کنفیوژن اس تو مون آ بسنے، انت کہ فیصلہ اس بریک اوڑا دا سیبو مریک کہ فیصلہ ہرا کچ آن ءِ ۔ اوپارے کہ گپ وتران نا ہیت مننگ ءِ ، اول گپ وتران نا پیرامیٹر ز بایدے طے مرے، گپ وتران بیرہ گپ وتران نا حداسکان بایدے مف۔
