کراچی۔ 29 مارچ (اے پی پی) چیئرمین ہلال احمر پاکستان سردار شاہد احمد خان لغاری نا پارت آ ہلال احمر نا کنڈآن روچہ مبارک اٹی نوکاپ زہمی علاقہ غاتیٹی کمکی گڑا و راشن نا بشخنگ پدریسہ برجاءِ، ضلع دادو، خیرپور، جیکب آباد ، لاڑکانہ، قمبر شہداد کوٹ، نوشہرو فیروز و مٹیاری ٹی ریلیف آپریشن سرسہبی اتون آخیریکو ریسہ غاتیٹی ءِ۔ خیرپور نا چندی یونین کونسل آتیٹی اسہ ہزار بھاز ہمی اُراتیٹی 51 کلو گرام آ تالان راشن پیکج نا بشخنگ پورو مسنے۔ ہلال احمر پاکستان نا اسسٹنٹ ڈائریکٹر ریسپانس ذوالفقار احمد نا رداٹ اسہ ہزار خاہوت آتے کمکی گڑا بشخنگ انگ ءِ۔ انسانیت نا خذمت نا دا سفر اٹی قمبر شہداد کوٹ و لاڑکانہ ٹی ہم ہزار آ زہمی تیٹی راشن وکمکی گڑا بشخنگک۔ مٹیاری ٹی بھاز زہمی 400 اُراتا مالی کمک ءِ کننگک۔ ریلیف آپریشن نا بابت چیئرمین سردار شاہد احمد لغاری نا پاننگ ءِ کہ ہلال احمر پاکستان آخیریکو زہمی بندغ نا کمک وبحالی اسکان فیلڈ اٹی سلک۔
