اسلام آباد۔ 29 مارچ (اے پی پی) مچ آ ملک اٹی 24 گھنٹہ ٹی کورونا دین انا 109 کیس رپورٹ مس ہرافتیان 21 ناجوڑ آتا حالیت نازرک ءِ۔ چارشنبے نادے آ قومی ادارہ جان جوڑی (این آئی ایچ ) نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی کورونا دین انا 4 ہزار 731 ٹیسٹ کننگا ہرافتیان 109 بندغ آتا ٹیسٹ مثبت بس ہنداوڑ مثبت کیس آتا کچ 2.30 درسد ئس و داوخت آ کورونا دین آن اسہ ناجوڑ اس ہم زوال کتنے وخت اس کہ 21 نا حالیت نازرک ءِ۔ ملک انا چندی شار تیٹی تدوک آ 24 گھنٹہ ٹی کروک آ کورونا ٹیسٹ و مثبت کیس آتا بابت لاہور اٹی 621 بندغ آتیان 24 بندغ آتا ٹیسٹ مثبت بس و ہموڑے مثبت کیس آتا کچ 3.86 درسد ئس، ہندا وڑ اسلام آباد اٹی 388 آن 8 بندغ آتا ٹیسٹ مثبت بس و کچ 2.06 درسد ئسک، کراچی ٹی 649 آن 39 نا کیس مثبت بس و ہموڑے کچ 6.01 درسد ئسک وخت اس کہ بہاولپور اٹی 196 آن 2 بندغ آتا ٹیسٹ مثبت بس و ہموڑے مثبت کیس آتا کچ 1.02 درسد ئسک۔
