پاک چین اقتصادی راہداری ملک انا شونہالی نا سبب جوڑمریک، ڈٹ انا پوروی آن الس نا زند اٹی نمان بدلی اس بریک، پروفیسرڈاکٹر عبداللہ خان

لورالائی۔20 مئی (اے پی پی) پاک چین اقتصادی راہداری پاکستان نا شونہالی نا سبب جوڑمریک، پروجیکٹ نا پوروی آن الس نازند اٹی نمان بدلی اس بریک۔داخیال آتا درشانی ئِ جامعہ لورالائی ناوائس چانسلر پروفیسر ڈاکٹرعبداللہ خان جامعہ نا کنڈآن سی پیک ناسرحال آ اسہ سیمیناراسے آن تران کرسا کرے۔ دود آن جامعہ نا قائم مقام رجسٹرار پروفیسرعبدالقدوس بابڑ، چندی شعبہ غاتا طالب علم آک تران کریر۔دود انامہمانِ خاص وائس چانسلر پروفیسر ڈاکٹر عبداللہ خان ئس۔اوپارے کہ سی پیک ون بیلٹ ون روڈ پروجیکٹ ناچرجوئی نا اسہ کڑی اسے ، ون بیلٹ ون روڈ پروجیکٹ چین ئِ دنیا نا مسہ براعظم نیامی ایشیائ، یورپ و افریقہ تون ملفک۔ دا پروجیکٹ نا کمک اٹ چین تینا واپاری گڑاتے بے کچ کم وخت اٹی دنیا نا ہر کنڈ اسکان سرکننگ کیک۔ سی پیک ہم دا پروجیکٹ نا بشخ اسے ہرانا کمک اٹ چین نا شار کاشغر ئِ گوادر تون گنڈنگک۔ دود انا ایسر اٹی ساڑی مروک آتیٹی صفتی سند ہم بشخ و پانٹ کننگا۔