فرنٹیئر کور ئِ ورنا آناں زندمان ئَ ھمک تک ئِ چکاس، آزمائش ئُُ سنگینی ئَ یک ئِ دومیگ ئِ گوما ھوار بوھگ ئُُ کامیاتی در جنگ ئُُ راجی اِزمت ئِ ٹوھیں بالاد برجا کنگی اِنت چوہدری نثار علی خان
تہی کارانی وزیر ئِ سیکورٹی فورسز ئُُ ایف سی ئِ شہید بوتگیں کربانی ئَ را شرپ ئُُ ازت
وارسک ۔ 20 مئی(اے پی پی) تہی کارانی وزیرچوہدری نثار علی خان ئَ گوشت کہ مئے سیکورٹی فورسز ئِ ورنا آنی ٹوھیں کرد راج ئِ دیم ئَ سہرا اِنت وارسک ئَ فرنٹیئر کور (ایف سی) ئِ 1256کورس ئِ سرجمی ئِ پد ئَ یک شمبے ئَ پاسنگ آﺅٹ پریڈ ئِ موہ ئَ ھاسیں مہمان ئِ بستار ئَ گشتانک دیان ئَ آئی ئَ گوشت کہ مئے سیکورٹی فورسز ورنا آئی ٹوھیں کرد ئَ چہ سرجمیں راج آشنا اِنت۔ پاسنگ آﺅٹ پریڈ ئَ وتی تربیت ئِ سرجم کنوکیں ایف سی ئِ ھشت سد ریکروٹس ئَ بھر زُرت۔ اے موہ ئِ سرئَ تہی کارانی وزیر ئَ پاس آﺅٹ بوھوکیں ریکروٹس، آوانی مات ئُُ پت ئُُ رھشون آناں کامیاتی ئَ تربیت سرجم کنگ ئِ سر ئَ مبارکی دات۔ آئی ئَ گوشت کہ مرچی تو کزبی زندمان ئِ بنگیج بلے زندمان ئُُ کزب ئِ بازیں چکاس تئی دیم ئَ اَنت۔ آئی ئَ گوشت کہ فورس ئِ ورنا آنی سر ئَ زور پر دات کہ شمے زند مان ئِ تہ ئَ بازیں چکاس ئِ شمارا وت پاس کنگی اِنت۔ آئی ئَ گوشت کہ شما ایوک ئَ ایف سی ئِ سپاہی نہ اِت بلکینگ ئَ اسلام ئُُ پاکستان ئِ پاسبان ئُُ شما ملک ئَ چہ ناشرکاری ئَ را بُنگوج بہ کن اِت۔ آئی ئَ گوشت کہ شما اے ملک ئِ پاسبان اِت اے ملک ئَ را اللہ ئُُ رسول ﷺ ئِ نام ئِ سر ئَ در جتگ۔ ایشی ئِ پاسبانی شمے زمہ واری اِنت۔ تہی کارانی وزیر ئَ گوشت کہ گوستگیں چیز ئِ سال آنی ساھت ئَ لستیں مردم آں ھمک جاھ ئَ لٹ ئُُ لٹ کاری ناشرکاری کتگ بوتگ ئُُ شما وتی سرجمیں ھاٹیگ ئَ گوں ایشی ئِ گر ئُُ دار ئَ بکن اِت۔ جنگ ئُُ چوپ اللہ پاک ئَ را دوست نہ اِنت۔ سپاہی اسلام ئِ سپاہی اِنت ئُ اے گپ شمے ھمک ساھت ئَ زہن ئَ بہ بیت۔ اللہ پاک ناشرکار ی ئَ را دوست نہ دار ایت۔ چوہدری نثار علی خان ئَ گوشت کہ اللہ تعالی ئَ یک بنی آدم ئِ کوش ئَ را سرجمیں بنی آدم آنی کوش گوندینتگ ئُُ ناشرکار اسلام ئِ نام ئَ کودکیں زھگ، زالبول ئُُ بے کسوریں شہری آناں شہید کن اَنت ئُُ کافر آں چہ زرّ ئُُ توشگ زور اَنت۔ شمارا ماتیں وطن ئِ تہئَ ایمنی برجا کنگی اِنت۔آئی ئَ گوشت کہ گوستگیں سئے سال آنی تہ ئَ مزن وزیر محمد نواز شریف ئَ سول آرمڈ فورسز ئِ ھر چ ئُُ درش ئَ 80ارب کلدار ئِ گیشی کتگ، آئی ئَ گوشت کہ شش ماہ ئِ ساھت ئَ 14ھزار ورنا آنی ھیل کاری ئَ سرجم کنگ بوتگ وھدیکہ آیوکیں دو سے ماھ آنی ساھت ئَ ایف سی ئِ 29ونگز سرجم کنگ بوتگ۔ آئی ئَ گوشت کہ حکومت وتی زمہ واری آں چہ سرجمی ئَ سر پد اِنت۔ شما یک نیمگ ئِ ناشرکاری ئِ جنگ ئَ وتی کرد ئَ پیلو بکن اِت ایشی ئَ ابید وتی ملک ئُُ ایشی ئِ سیم سر آنی رکھینگ ھم شمارا کنگ لوٹیت۔ آئی ءَ گوشت کہ حکومت ئَ پیسلہ کتگ کہ ملک ئَ ناشرکار آنی توک ئِ پترگ ئَ گر ئُُ دار کنگ ئِ ھاترا سیم سر آنی ترندی کنگ بیت ئُُ ما درش یکجا باں ئُُ ناشرکاری ئَ چہ ملک ئَ پاکک کن آں۔ تہی کارانی وزیر ئَ گوشت کہ مئے یکجائی ئُُ تپاکی ھمے رنگ ئَ جاڑی بت گڈا ما وتی منزل ئَ کامیاتی ئَ سر باں۔ وتی گشتانک ئِ گڈ ئَ آئی ئَ ایف سی ئَ ھواریں کارندہ آنی آیوکیں باندات ئِ کامیاتی ئِ ھاترا دُعا ئِ نیک کت ئُُ گوشت کہ اللہ پاک شمارا نیکیں مکسد گیش کامیاتی بدیات۔
