اسلام آباد۔28مارچ (اے پی پی):مزن وزیر محمد شہباز شریف ءَ ھوار کتگیں فاٹا ضلع ءِ واستہ زوتیں رد ءَ دیمروئی فنڈز جاڑی کنگ ءِ پنت ءُ شون کنان ءَ گوشت کہ سیادی داروکیں سکیم آنی واستہ فنڈز آنی منظوری ای سی سی ءُ ایندگر فورمز آناں زوت کنائینگ بیت۔ حکومت ھوار بوتگیں دمگ فاٹا ضلع ءَ را اول سرئی بنیا ءَ دیمروئی دیگ ءِ واستہ جزمیگ انت۔ مزن وزیر کارھگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے ھیال آنی درشانی آئی ءَ سئے شمبے ءَ ھوار بوتگیں فاٹا ضلع ءِ باسک راجی اسمبلی ءِ پنچ باسکی ڈل ءَ گوں گند ءُ نند ءِ ساھت ءَ کت۔ گند ءُ نند ءَ بنجاھی وزیر برائے نیک راھی کار مفتی عبدالشکور ، بنجاھی وزیر برائے زر ءَ آدیم نندوکیں پاکستانی ساجد حسین طوری، راجی اسمبلی ءِ باسک مولانا جمال الدین، علی وزیر، محسن داوڑ ءَ ابید بنجاھی وزیر اسحاق ڈار ءُ سردار ایاز صادق ھم ساڑی ات۔ مزن وزیر ءَ گوشت کہ حکومت سرجمیں ملک ءَ معاشی رد ءَ ھمزوریں دمگ ءِ دیمروئی ءِ واستہ گامگیج کنگ ءَ انت۔ ڈل ءَ مزن وزیر ءَ را سیادی داروکیں دمگ آنی جیڈھ ءُ جاڑیگیں دیمروئی منصوبگ آنی بابت ءَ سرپد کت۔
