اسلام آباد۔28مارچ (اے پی پی):مزن وزیر محمد شہباز شریف ءُ سپیکر راجی اسمبلی راجہ پرویز اشرف ءِ نیام ءَ سئے شمبے ءَ ادا پارلیمنٹ گس ءَ گند ءُ نند بوت ایشی ءِ اندر ءَ کانود ءِ جوڑیشت ءُ ملکی دیمروئی، وشھالی ءُ انتظامی کار آنی واستہ اے کلیتی کرد ءِ ھوالگ ءَ ھیال ریچی کنگ بوت۔ گند ءُ نند ءَ ملک ءِ ھواریں سیاسی جاور ھال ءُ وت مہ وتی واھگی کار آنی بابت ءَ تران کنگ بوت۔ اے موہ ءَ بنجاھی وزیر ھزانگ ءُ ٹیکس اسحاق ڈار ءُ بنجاھی وزیر تجارت سید نوید قمر ھم ساڑی ات۔
