اسلام آباد۔ 27 مارچ (اے پی پی) اسپیکر قومی اسمبلی راجہ پرویز اشرف بنجائی وزیر پارلیمانی امور مرتضیٰ جاوید عباسی ءِ پارت کرینے کہ نوکاپ آن زہمی علاقہ غاتیان مخلوق ءِ کمکی زر انا فراوانی نا بارواٹ رپورٹ ءِ بٹفنگے۔ دوشنبے نادے آ قومی اسمبلی ٹی وقفہ سوج آتیٹی مولانا عبدالاکبر چترالی نا سوج انا ورندی ٹی بنجائی وزیر پارلیمانی امور مرتضیٰ جاوید عباسی پارے کہ داتم اسکان 3 صوبہ غاتیان این ڈی ایم اے ءِ ڈیٹاملانے، اِرا صوبہ غاتیان ڈیٹا بننگ داسکان سلوک ءِ، صوبہ غاتا کنڈآن بھلو حد اسسکان مخلوق ءِ امداد تننگانے۔ اوپارے کہ بنجائی حکومت پورو وڑاٹ بھس مروک آ ہند آتیکن 5 لکھ روپئی و جزوی وڑاٹ بھس مروک آ ہند آتیکن دونیم لکھ روپئی امداد تننگ نا پڑو کرینے، غٹ صوبہ غاتیان سرجم آتا بننگ آن پد دا کاریم ءِ پورو کننگک، خیبرپختونخوا ٹی فصل آتا نسخان تا پوروی کن 10 ہزار روپئی نا زر ادا کرینے۔ اسہ پین ضمنی سوج اسے نا ورندی ٹی مرتضیٰ جاوید عباسی پارے کہ حکومت بے نظیر انکم سپورٹ پروگرام نا کمک اٹ 74 ارب آن زیات زر ادا کرے، 118 زوال کروک آ بندغ آتیان 115 نا خاہوت آتے 10 لکھ روپئی نا زر ادا کننگانے، اسپیکر وزیر پارلیمانی امور ءِ پارت کرے کہ نوکاپ زہمی تے امداد نا بابت تعلقدار ضلع غاتیان رپورٹ بٹفنگے۔
