اسلام آباد۔ 27 مارچ (اے پی پی) چین پاکستان اقتصادی راہداری ڈٹ انا رداٹ گوادر اٹی مسن تا تعلیم نا مون آ دننگ اٹ چین پاکستان گورنمنٹ مڈل اسکول فقیرکالونی اہم ءُ ذریعہ اس جوڑ مسنے، داوخت آ کم و ود 550 مسڑ دا اسکول اٹی تعلیم دوئی کننگ ءُ، اسہ چینی کمپنی اسے نا کمک اٹ 30 پوسکن آ کمپیوٹرآتون زوت آتیٹ جوڑ کروک آڈیجیٹل لیب ہم اسکول اٹی پورو وڑاٹ فعال ءِ ہرا مسن تے تعلیم فراوان کننگ اٹی ءِ۔ گوادر پورٹ کمامدارآتا رداٹ گوادر اٹی چین پاکستان گورنمنٹ مڈل اسکول فقیر کالونی مسن تا تعلیم نا مون آ دننگ کن نمان وڑاٹ مون آ بسنے ہرا اقوام متحدہ نا جہانی ہد ف و بی آر آئی نا مسخت آتے پورو کیک، اسکول نا شونداری ٹی چین نا شریداری چین و ہندی کمیونٹی نا نیام اٹ خلیج ءِ چٹفنگ اٹ کمک کرینے۔ اوپارے کہ گوادر نا مخلوق گچین تعلیم نا خواست کریسس و چین دا خواست ءِ پورو کرے، 1،600 مربع میٹر نا رقبہ غا تالان دا مڈل اسکول اِرا تدریسی ماڑی و کمکاری آسراتی تیان شپ ءِ۔ یکم ستمبر 2016ء آ مسکوہی وزیراعظم نواز شریف گوادر نا دورہ ءِ کرے و ہمووخت انا چینی سفیر سن ویڈونگ تون اواری اٹ اسکول نا بناءِ کرے ، دا سی پیک نا رداٹ پورومروک آ بنائی ڈٹ آتیان ارٹ میکو ڈٹ ئسک۔
