اسلام آباد۔ 27 مارچ (اے پی پی) مچ آ ملک اٹی 24 گھنٹہ ٹی کورونا دین انا 133 کیس رپورٹ مس ہرافتیان 21 ناجوڑ آتا حالیت نازرک ءِ۔ دوشنبے نادے آ قومی ادارہ جان جوڑی (این آئی ایچ) نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی کورونا دین انا 5 ہزار 7 ٹیسٹ کننگا ہرافتیان 133 بندغ آتا ٹیسٹ مثبت بس ہنداوڑ مثبت کیس آتا کچ 2.66 درسد ئس و داوخت آ کورونا دین آن اسہ ناجوڑ اس زوال کرے وخت اس کہ 21 نا حالیت نازرک ءِ۔ ملک انا چندی شار تیٹی تدوک آ 24 گھنٹہ ٹی کروک آ کورونا ٹیسٹ و مثبت کیس آتا بابت لاہور اٹی 559 بندغ آتیان 41 بندغ آتا ٹیسٹ مثبت بس و ہموڑے مثبت کیس آتا کچ 7.33 درسد ئس، ہندا وڑ اسلام آباد اٹی 120 آن 07 بندغ آتا ٹیسٹ مثبت بس و کچ 5.83 درسد ئس، کراچی ٹی 507بندغ آتیان 39 نا ٹیسٹ مثبت بس و ہموڑے کچ 7.69درسد ئس ملتان اٹی 152 آن 8 انا ٹیسٹ مثبت بس وخت اس کہ ہموڑے مثبت کیس آتا کچ 5.26درسد ئس وخت اس کہ راولپنڈی ٹی 259بندغ آتیان 3 نا ٹیسٹ مثبت بس و ہموڑے مثبت کیس آتا کچ 1.16 درسد ئسک۔
