حب، لسبیلہ و 22 ضلع غاتا کونسلر آتا سوغندی دود، چیئرمین و وائس چیئرمین تا گچینکاری 5 اپریل آ مریک، صوبائی الیکشن کمشنر

کوئٹہ۔ 27 مارچ (اے پی پی) صوبائی الیکشن کمشنر بلوچستان شریف اللہ پارینے کہ بلوچستان نا ضلع حب (بیدس ایم سی وندر و یوسی 31) ، لسبیلہ (بیدس یوسی ، 2و 5) و 22 ضلع پشین ، چمن، نوشکے، خاران ، شیرانی، قلعہ سیف اللہ ، بارکھان، موسیٰ خیل، سبی، ہرنائی، زیارت، کوہلو، ڈیرہ بگٹی، نصیر آباد، جعفرآباد، صحبت پور، کچھی، قلات، خضدار، سوراب ، مستونگ و کیچ انا 57 کونسل آتا چیئرمین و وائس چیئرمین تا گچین کاری کن 5 اپریل نا تاریخ ءِمقرر کننگانے۔ دا ضلع غاتیٹی گچین مروک آ کونسلر آتا سوغندی دود و چیئرمین وا وائس چیئرمین تا گچین کاری 5 اپریل 2023آ مریک۔ داہیت ءِ دوشنبے نادے آ الیکشن کمیشن آف پاکستان نا شعبہ تعلقات عامہ نا کنڈآن جاری بیان اٹی پاننگانے ہراٹی صوبائی الیکشن کمشنر  بڑزکونوشتہ بلدیاتی حلقہ غاتیٹی گچین کاری نا بابت سرجم آتیان معلومدار کرے۔