کوئٹہ۔ 27 مارچ (اے پی پی) چیف سیکرٹری بلوچستان عبدالعزیز عقیلی نا پارت آتے مون آ تخسا ضلعی انتظامیہ جھل مگسی نا کنڈآن ضلعی صدر مقام گنداواہ و جھل مگسی سٹی ٹی پدریسہ اینو چار میکو دے آ ہم اسسٹنٹ کمشنر گنداواہ ہدایت اللہ جاموٹ و اسسٹنٹ کمشنر جھل مگسی رحمت اللہ شاہ نا نگرانی ٹی روچہ نا مبارک آ تُو اٹی روزہ دار و ایلو غریب الس ءِ ریلیف فراوان کننگ کن روچہ اڑزان بازار اس جوڑ کننگانے انجمن تاجران خاص وڑاٹ ہندو کمیونٹی نا کمک اٹ گنداوہ بازار و جھل مگسی سٹی بازار اٹی سُو، سوزی و ایلو کنوئی آ گڑاتا اسٹال خلنگانے، الس ضلعی انتظامیہ جھل مگسی و ڈپٹی کمشنر جھل مگسی فلائیٹ لیفٹیننٹ (ر) یاسر حسین نا دا گام انا ستاءِ کرسا پارینے کہ داوڑنا گام گیج کننگ ستاکڑزوک ءُ عمل اسے انتئے کہ داوڑنا گام گیج آتیان روزہ دار و غریب و مسکین تیکن بازار آن بارعایت کنوئی آ گڑا و ایلو گڑادوئی ءِ پین اوپارے کہ اومیت ءِ مون آ ہم روچہ مبارک نا دا بابرکت تُو اٹی روچہ اڑزان بازار نا چرجوئی برجاسلک تانکہ روزہ دار و غریب و مسکین آک داڑان زیات آن زیات فائدہ دوئی کننگ کیر۔
