کوئٹہ۔ 27 مارچ (اے پی پی) اسسٹنٹ کمشنر چھتر خادم حسین کھوسہ پارینے کہ کبین بہاکروک و کوڑی کروک آ مخلوق الس نا خیر خواہ افس، کبینی کرسا الس آن زر ہلوک آ بندغ آک ہچ ءُ رعایت اسے نا حقدار افس، اوفتا برخلاف کارروائی کننگ انگ ءِ، روچہ نا تُو اٹی الس ءِ کنوئی آ گڑاتا اڑزان دام فراوانی کن ہرممکن گام گیج کننگ انگ ءِ۔ داخیال آتا درشانی ءِ او میر حسن نا بازار اٹی کنوئی آ گڑاتا نہاد آتا جاچ ءِ ہلنگ نا وخت آ گپ وتران کرسا کرے۔ اوپوریاگر برادری ءِ پارے کہ الس ءِ روچہ نا تُو اٹی اڑزان و آب اٹ گڑاتا فراوانی کن پوریاگر برادری تینا کمکاری ءِ پک کے تانکہ مخلوق ءِ ریلیف فراوان کننگ مرے۔ وزیراعلیٰ بلوچستان میر عبدالقدوس بزنجو و چیف سیکرٹری بلوچستان نا کنڈآن روچہ نا تُو اٹی کبین بہا کروک آتا برخلاف سخت کارروائی کننگ نا پرمانک ءُ ہرافتیا عملدرآمد ءِ ہرحال اٹ پک کننگ انگ ءِ تانکہ الس دا گام گیج آتیان فائدہ ہرفنگ کے کبین بہاکروک آتے تنبیہ کینہ کہ او تینا داعمل آن پاناد کیر و سرکاری ریٹ انا رداٹ کنوئی آ گڑاتا بہاکننگ نا عمل ءِ پک کیر۔
