وارسک ۔ 20 مئی(اے پی پی) تہی کارانی وزیر چوہدری نثار علی خانئَ گوشت کہ ھر جاھ ئَ کہ بُکگ، ھمزوری ئُُ یک شلی مہ بیت آھودا ایشرا پٹگ لوٹ ایت۔ شمبے ئِ روچ ئَ وارسک ئَ ایف سی ئِ پاسنگ آﺅٹ پریڈ ئَ ھاسیں مہمان ئِ بستار ئَ ساڑی ات ئُُ اھوالکاراں گوں تران کنان اَت آئی ئَ گوشت کہ کلبھوشن یادیو ئِ بابت ئَ اِچ وڑیں بُکگ ئُُ ھمزوری ئُُ یک شلی نیست ئُُ درملکی ایجنٹ ئُُ جاسوس اِت آ پاکستان ئَ بازیں ناشرکاری ئِ کاروائی ئِ کنوک اِنت ئُُ اگاں اے گرگ مہ بوت اِنت ایشی ئَ گیش سیاھ کاری کتگ اَت۔ آئی ئَ گوشت کہ پاکستان ئَ وتی کانود ئِ رد ئَ سرجمیں جیڈھ ئَ را ہینڈل کتگ ئُُ ایشی ئِ تہئَ اِچ شک نیست ئُُ بُکگگ نیست۔ آئی ئَ گوشت کہ اوگانستان ئِ واستہ پاکستان ئِ اُلس ئِ کربانی آنی دراج بُرئیں رمس ئِ است اِنت ئُُ دوئیں ملک آنی اُلس آنی دل یکجاھ دریک اَنت۔ اوگان حکومت ئِ پالیشی آنی بابت ئَ آئی ئَ گوشت کہ ایشی ئِ سر ئَ ھیال آنی درشانی کنگ نہ لوٹ آں بلے پاکستان ئِ پالیشی مزیں تپاکیں ئُُ تلپچیں اَنت یات دارگ بہ بیت کہ پاکستان اِچ اے رنگ ئِ پالیشی ئِ گوما بوھگ ئِ ساچ ئَ نہ دار ایت آ کہ پاکستان ئِ ایمنی ئِ ھلاپ بہ بیت۔ آئی ئَ گوشت کہ اوگانستان ئِ ھکومت ایراد گرگ ئِ مٹ ئَ وتی ھمزوری آں دور کنگ ئَ دلگوشی بہ دنت ئُُ دژمن ئِ لھ لک ئَ دپ ئَ مکنت ئُُ گپ مہ کنت۔
