کوئٹہ۔ 27 مارچ (اے پی پی) ڈپٹی کمشنر نصیر آباد عائشہ زہری نا پرمان تیا مخلوق ءِ روچہ مبارک اٹی ریلیف فراوان کننگ کن ڈیرہ مراد جمالی ٹی اڑزان بازار اس اڈتننگا چیئرمین میونسپل کمیٹی میر صفدر خان عمرانی نا کمکاری اٹ اسسٹنٹ کمشنر اسداللہ سمالانی نا چاروکی ٹی اے سی آفس نا خڑک اڑزان بازار اس اڈتننگا اڑزان بازار اٹی چیئرمین مارکیٹ کمیٹی میر آصف لہڑی نا پرمان تیا ڈپٹی ڈائریکٹر مارکیٹ کمیٹی عبیداللہ پندرانی نا چاروکی ٹی پنجا درسد کم ریٹ آ سوزی بہا کننگا وخت اس کہ یوٹیلیٹی اسٹور تا ایریا منیجر محمد حیات بگٹی نا چاروکی ٹی سرکاری نرخ نامہ غاتیا نُت ہلنگ کن الس لین تیٹی سلسا حکومتی گام آن فائدہ ہرفے اڑزان بازار اٹی سوزی فروٹ خراس نا سُو ککڑ نا سُو کولڈ ڈرنک شربت نا ہم اسٹال خلنگاسس انجمن تاجران نا کنڈآن کنوئی آ گڑا تا چندی پوائنٹ آتے جوڑ کننگا اڑزان بازار اٹی الس نا جم غیر امڈبس چندی کنوئی آ گڑاتیا تروک آ سبسڈی آن مخلوق بھلو کچ اسے ٹی فائدہ ہرفے اڑزان بازار نا اسسٹنٹ کمشنر ڈیرہ مراد جمالی اسداللہ سمالانی و تحصیلدار مجیب الرحمان ساتکزئی مانیٹرنگ کرسا کرے داوخت آ میونسپل کمیٹی نا وائس چیئرمین شاہ محمد ہاڑا انجمن تاجران نا راہشون تاج بلوچ لیاقت علی چکھڑا محمد رحیم لہڑی حاجی رحمت اللہ بنگلزئی مولانا نواب الدین ڈومکی میر جان مینگل خان جان بنگلزئی و ایم ایس ڈاکٹر ایاز حسین جمالی ئسک ہم ساڑی ئسر ، داوخت آ اسسٹنٹ کمشنر ڈیرہ مراد جمالی اسد اللہ سمالانی پارے کہ روچہ نا تُو اٹی الس ءِاڑزان و آب اٹ کنوئی آ گڑاتا فراوانی کن نصیر آباد ضلعی انتظامیہ متحرک ءِ۔
