اسلام آباد۔26مارچ (اے پی پی): مزن وزیر محمد شہبا ز شریف ءَ ملک مستر عارف علوی ء َ را پنچ تاکانی ء ُ ہفت نکاتء ِ سرءَ جوڑ کتگیں نمدی پہ پسوءَ نبشتہ کتگ، کہ آئی ءِ تہا گشگ بوتگ کہ صدر ءِ نیمگ ءَ چہ نبشتہ کتگیں نمدی آئیءِ عہدگ ءِ کد ءِ گپ نیاں بلکیں تحریک انصاف ءِ یک پریس ریلیزے سماء بیت، صدر آئین ءِ آرٹیکل 48 ء ِ شق 1 ءِ ردءَ کابینہ یا مزن وزیر ءِ ایڈوائس ءِ ردءَ کار کنگ ءِ پابند اِنت، بنجاہی حکومت ءِ انتظامی وت واجہی ءَ را کارمرز کنگءَ مزن وزیر صدرءِ شورء ُ صلاہ ءِ پابند ناایں ء ُ بنجاہی حکومت آئین ءِ ردءَ وتی زمہ واریاں چہ سرجمیں سرپد اِنت۔ حکومت ءَ جزم کتگ کہ کسءَ را ہم کانودءَ رالگت مال کنگءِاجازت دیئگ مابیت، آئینی ردءَ گچین کتگیں حکومتءَ را نیزور کنگءِ کوشستء َ را پروش دیاں۔ مزن وزیر کارگس ءِ میڈیا ونگ ءَچہ شنگ بوتگیں جار ءِ ردءَ ملک مستر عارف علوی ءَ مزن وزیر ءَ را 24 مارچءَ نمدی نبشتہ کتگ بوتگ۔ نمدی ءِ پسوءَ مزن وزیر ءَ ملک مسترءَ را نبشتہ کتگ کہ اے گشگءَ مجبور اَں کہ تئی نمدی تحریک انصاف ءِ پریس ریلیزے سماء بیت، تئی نمدی یک نیمگی حکومت نادوستی ءِ درشانی ءَ کنت، تئی نمدی صدر ءِ عہدگ ءِ کد ءِ گپ ءَ ناکنت، تو یکوئیءَ ہمے وڑ کنگءَ اِت۔ مزن وزیرءَ نبشتہ کتگ کہ 3 اپریل 2022 ءَ تو راجی اسمبلی ہلاس کتگ ءُ پیسرگیں مزن وزیر ءِ غیر آئینی پنت ء ُ شون ءِ سرءَ عمل کتگ، راجی اسمبلی ءِ ہلاس کنگءِ تئی حکم ءَ را سپریم کورٹءَ 7 اپریل ءَ آئین ءِ حلاپ لیک اِتگ، آرٹیکل 91 شق 5 ءِ ردءَ منی مزن وزیر ی ءِ سوگند چست کنگءِ ہوالگءَ تو آئینی فرض ءَ را پیلو کنگءَ ناکام بوتگ اِت۔ مزن وزیر ءَ نبشتہ کتگ کہ جناب ملک مستر، من ء ُ بنجاہی حکومت آئین ءِ ردءَ وتی سرجمیں زمہ واریاں چہ سرجمی ءَ سرپد اَنت، آئین ءِ سرجمیں پابندی، سرپانکی ء ُ دیمپانی ءِ سوگندءِ سرءَ عمل کنگءَ اَنت، آئین ءِ تہا نبشتہ ہمک شہری ءِ بنکی انسانی حکانی رکینگءِ پابند اِنت، حکومتءَ جزم کتگ کہ کسءَ را ہم کانودءِ لگت مال کنگءِ اجازت دیئگ نابیت، ریاست پاکستان ءَ را نقصان دیئگءِ اجازت دئیگ نابیت، شمارا اوست دیاں کہ آئینی ردءَ گچین بوتگیں حکومت ءَ را نیزور کنگءِ کوشست ناکام کنگ بیت۔
