اسلام آباد۔26مارچ (اے پی پی): مزن وزیر محمد شہبا ز شریف ءَ مف آرت بہرء ُ بانگ کنوکیں بُنجاہ آں مزن اُمبر ءُ زالبول ء ُ نادراہ آنی ھاترءَ حاسیں چن ء ُ لانچ کنگءِ پنت ء ُ شون کتگ۔ مزن وزیر محمد شہباز شریف ءَ اے پنتء ُ شون یک شمبےءِ روچءَ مفت آرت ءِ بہرءُ بانگ ءِ عمل ء ُ چنءُ لانچانی چارءُ تپاسی کنگءِ ھاترءَ بہاولپور ءِ ترءُ تاب ءِ وہدءَ کتگ۔ مزن وزیر ءَ ڈرنگ سٹیڈیم ءُ عباسیہ ہائی سکولءَ جوڑ کتگیں مف آرت بُنجاہ ءِ ترءُتاب کتگ، شہری آنی شکایت ء ُ جیڑہ ء ُ جنجالانی گشداشتگ اَنت ء ُ حکام ءَ را اے جیڑھ آنی گیش ء ُ گیوار کنگءِ پنتء ُ شون کتگ۔ مزن وزیر ءَ شہری آناں مفت آرت سرکنگ ءِ عمل ءِ سرءَ سدکی ءِ درشانی کگ۔ ترءُتاب ءِ وہدءَ مزن وزیر ءَ نادراہ زالبول ءَ را دو آرت ءِ بُچکہ دیئگءِ پنتء ُ ُشون کتگ۔ مزن وزیر ءَ را حال دئیگ بوتگ کہ بہاولپور ءَ آرت مفت بہرء ُ بانگ کنگ ءِ 26 بنجاہ جوڑ کنگ بوتگ اَنت کہ 7 لکھ 21 ہزار حک داریں شہری آناں مفت آرت دیئگ ءِ عمل برجاہ اِنت مزن وزیرءَ گشتگ کہ ہمک حکداریں شہری ءَ را آرت ءِ بُچکہ بہ رسیت۔ کس حالی دستءَ واتر مابیت۔ مزن وزیرءَ گتگ کہ بی آئی ایس پی ء ُ نادراہ ءِ حکا م ءَ را پنتء ُ شون ہم داتگ۔مزن وزیر ءَ بی آئی ایس پی رجسٹرڈ نابوتگیں حکداریں مردمانی رجسٹریشن ءِ ھاترءَ بی آئی ایس پی ء ُ نادرا ءِ حکام ءَ را ہم پنت ء ُ شون کتگ۔ مزن وزیرءَ آرت بُنجاہ ءَ جوڑ کتگیں ہیلتھ سینٹر ءِ ہم ترء ُتاب کتگء ُ آسراتی ء ُ نادراہ آنی ہوالگءَ معلوم داری زُرتگ۔ مزن وزیر ءَ ایشی ءَ چہ پیسر لاہور، سرگودھاء ُ قصور ءَ آرت بُنجاہ ءِ ترء ُ تاب کتگ اَنت۔
