اسلام آباد۔25مارچ (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ گوشت کہ عمران خان مینار پاکستان ءَ فارن فنڈنگ ، توشہ خانی دزئی ءُ ٹیریان ءِ پڑ ءَ چمشانک بدئے، راج ءَ را بہ گوش کہ چار سال آنی تہ ءَ گران بہائی بے روزگاری ءُ تباہی ءِ نیمگ ءَ پاکستان ءَ را چتور دکھہ ءُ تیلانک داتگ۔ ملک ءَ را چتور لُٹ اتگ ، جنگ ءُ چوپ ، ناشرکاری ءَ چہ راج ءَ را راستیں آجوئی دیگ ءِ وھد ءُ موہ اتکگ۔ شمبے ءِ روچ ءَ عمران خان ءِ ٹویٹ ءِ پسو ءَ ھیال آنی درشان ءَ کنان ءَ بنجاھی وزیر اھوالکاری ءُ شنگ کاری ءَ گوشت کہ ھمائی ءَ کہ ملک ءَ را تباہی ءِ نیمگ ءَ تیلانک ءُ ڈکال ءِ شرد ءُ مین ءَ پسارینگ ءِ پندل ساچتگ، آ ناشرکاریں فراڈ ءِ بوت کنت۔ آئی ءَ گوشت کہ اے فتنہ ءَ چہ راج ءَ را راستیں ءُ دل یکیمیں آجوئی دیگ ءِ وھد اتکگ۔
