لاہور ۔25مارچ (اے پی پی):مزن وزیر شہبا ز شریف ءَ پنت ءُ شون کت کہ مپت ءَ آرت رسگ ءِ بنجاھ ل آنی تہ ءَ آیوکیں بزگر آناں بگیر آرت ءِ گرگ ءَ چہ واپس روگی نہ انت۔ بینظیر انکم سپورٹ پروگرام رجسٹریشن ء واستہ وتی کاونٹرز زوت برجا بکن ات۔ رمضان ءِ ساھت ءَ گریبیں تبک ءِ مردم آنی سکی آناں ھرچی تاں بوت کنت حکومت گامگیج کنگ ءَ انت۔ مپت ءَ رسوکیں آرت ءِ کوالٹی ءِ تہ ءَ کمیگ مہ بیت، لاہور , قصور ءُ سرگودھا ءَ چہ دپ ایندگر شہر آنی تہ ءَ آرت ءِ پجاری ءُ کوالٹی ءِ چار ءُ تپاسی ءَ گراں، مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر شہباز شریف ءِ سروکی ءَ اسلام آباد کیپٹل ٹیریٹری ءَ مپت آرت ءِ پجاری ءَ چار ءُ تپاسی دیوان ءِ برجم دارگ بوت۔ دیوان ءَ را گوشگ بوت کہ مپت آرت اسکیم پنجاپ، خیبر پختونخوا ءُ اسلام آباد ءَ جاڑیگ انت ایشی ءَ چہ لوگ والائیں مردم آنی مزنیں کساسے سیت چست کنگ ءَ انت۔
