اسلام آباد۔ 24 مارچ (اے پی پی) پاکستان و ملائیشیا نا نیام اٹ ہڑتوم آ کنڈآتا سیاسی سلابت بروک آ ہفتہ کوالالمپور اٹی مریک۔ داہیت ءِ دفترخارجہ ناترجمان جمعہ نادے آ پریس حوال اٹی پارے ۔ اوپارے کہ ہڑتوم آ ملک آتا نیام اٹ ہڑتوم آ کنڈآتا سیاسی سلابت نا ایجنڈا ٹی سیاسی، سیکورٹی و فوجی کمکاری آن بیدس واپار و زرکاری نا تعلقداری، سائنس و ٹیکنالوجی ٹی کمکاری، جان جوڑی، سیل و سوات و دودوربیدگ آ گپ وتران اوار ءِ۔ ترجمان پارے کہ فریق آک علاقائی و جہانی ویل بشمول پیسفک ڈیہہ اٹی مروک آ پیش رفت ، موسمیاتی بدلی و اسلاموفوبیا آ ہم گپ وتران کیرہ۔
