کوئٹہ۔ 24 مارچ (اے پی پی) وزیراعلیٰ بلوچستان نا کوآرڈی نیٹر شانیہ خان پارینے کہ صوبائی حکومت روچہ مبارک اٹی غریب تپہ ءِ ریلیف نا فراوانی کن جوان ءُ پیکج اسے نا پڑو کرینے ہرانا رداٹ غریب خاہوت آتے اسہ تُو انا راشن نا فراوانی ستاکڑزوک ءُ گام اسے۔ داخیال آتا درشانی ءِ او جمعہ نادے آ زالبول آتا نمائندہ ڈل اتون گپ وتران کرسا کرے۔ شانیہ خان پارے کہ محدود مالی وسیلہ غاتیان پد ہم صوبائی حکومت الس نا ویل آتا ایسری کن پورو تندہی اٹ کاریم کننگ اٹی ءِ، تدوک آ سال انا نوکاپ زہمی تا بحالی و برجاہفتہ مروک آ پِر و ترونگڑ آتا سوب آن مروک آ نسخان تا پوروی اسہ بھلو چیلنج اسے ، وزیراعلیٰ بلوچستان ساڑی آ بھلا حالیت آتون مون تننگ کن ہر ضلع نا ڈپٹی کمشنر ءِ بنائی وڑاٹ پنجا پنجا لکھ روپئی جاری کننگ نا فیصلہ کرینے ہراڑان کمکی سرجزآتے گچین وڑاٹ برجاتخنگ مریک۔ اوپارے کہ بلوچستان نا الس ءِ جان جوڑی و تعلیم تون اوار بنداوی آسراتی تا فراوانی بھاز بھلو چیلنج اسے ولے وزیراعلیٰ بلوچستان میر عبدالقدوس بزنجو نا کماشی ٹی صوبائی حکومت الس نا راجی آسراتی نا ڈٹ آتے اولیت ترسا دوئی وسیلہ غاتے گچین وڑاٹ کاریم اٹ اتنگ ءِ ہرانا جوان ءُ بھرم اس دوئی مننگ اٹی ءِ۔
