دالبندین اٹی یوم  پاکستان نا رداٹ فٹبال میچ اس اڈتننگا

چاغی۔ 24 مارچ (اے پی پی) یوم  پاکستان نا رداٹ اسہ دوستانہ فٹ بال میچ اس فٹسال اسٹیڈیم دالبندین اٹی اڈتننگا ہرانا مہمان خاص سیکٹر کمانڈر نارتھ یاسر نواز جنجوعہ ئسک۔ داوخت آ آرمی نا کرنل گل احمد، ڈپٹی کمشنر چاغی حسین جان بلوچ، ڈسٹرکٹ پولیس آفیسر چاغی عبدالعزیز جھکرانی ئسک ہم داوخت آ ساڑی ئسر وخت اس کہ شونقی تا بھلو کچ اس بشخ ہلکر۔ مہمان خاص تون اوار غٹ بشخ ہلوک آ میچ آن جوان لطف اندوز مسر و ہڑتوم آٹیم تا نیام اٹ اسہ گچین ءُ گوازی اس کننگا ، میچ انا ایسر آ کٹوک آ ٹیم ءِ 15 ہزار روپئی وخت اس کہ 10 ہزار روپئی رنر ٹیم ءِ کیش انعام تننگا وخت اس کہ میچ انا گچین گوازی گر گوندنگ آ اسہ گوازی گر اسے 5 ہزار میچ انتظامیہ ءِ گچین میچ اس اڈتننگ آ 10 ہزار روپئی کیش انعام تننگا۔ داوخت آ مہمان خاص سیکٹر کمانڈر نارتھ برگیڈیر یاسر نواز  جنجوعہ تران کرسا پارے کہ یوم پاکستان نا دے ننے دا قول ءِ پوسکن کرفک کہ نن پورو سیوت و سخا ءِ برقرار تخسا قومی یکجہتی، ملکی سالمیت و شونداری و شونہالی کن اواری اٹ کاریم کینہ و ورنا آخبت نا جوڑ کروک ءُ گوازی تیٹی بشخ ہلسا ملک و قوم انا پن ءِ روشنا کیر۔