ہرنائی۔ 24 مارچ (اے پی پی) ہرنائی ٹی ڈی سی کمپلیکس اٹی ڈپٹی کمشنر ہرنائی محمد عارف زرکون بیرک ءِ چست کرے۔ دود اٹی ایڈیشنل ڈپٹی کمشنر ارباب سعید احمد کاسی، اسسٹنٹ کمشنر عبدالمجید جوگیزئی، ڈسٹرکٹ ایجوکیشن آفیسر مومن خان ترین، ڈسٹرکٹ آفیسر ایجوکیشن غلام حیدر ترین و ایلو ضلعی آفیسر آک بشخ ہلکر۔ داوخت آ پولیس نا چاک و چوبند دستہ سلامی تس دود آن تران کرسا ڈپٹی کمشنر پارے کہ پاکستان نئے بیرہ ننکن بلکن مچ آ امت مسلمہ کن اسہ عظیم ءُ نعمت اسے زندہ قومک تینا قومی دے ءِ جم و جوش اٹ اڈ ایترہ۔ اوپارے کہ قرارداد پاکستان مسلمان تے جتا زند ءِ تیر کننگ نا حق ترفے دا قرارداد غلامی نا تابوت اٹی آخیریکو میخ مس۔ اوپارے کہ آجوئی اللہ تعالیٰ نا اسہ عظیم ءُ نعمت اسے نن اونا بایدے قدر ءِ کین۔ دود انا ایسر آ شہید آتا درجہ غاتا بڑزی کن خصوصی دعاہم کننگا۔
