تھرپارکر۔22مارچ (اے پی پی): مزن وزیر محمد شہباز شریف ءَ تھر پارکر ءَ اشکر ءَ چہ چلوکیں 1650 میگاواٹ توان ءِ 2 منصوبگ آنی بنگیج کتگ ایشی ءَ چہ اشکر ءَ چہ پیداک بوھوکیں توان ءِ پیداوار 3300 میگاواٹ بیت۔ چار شمبے ءَ مزن وزیر محمد شہباز شریف ءَ اسلام کوٹ تھر ءِ یک روچی تر ءُ تاب کت ءُ 330 میگاواٹ تھل نوواتھر ءُ 1320 میگاواٹ شنگھائی الیکٹرک منصوبگ آنی بنگیج کت۔ اے موہ ءَ وزیر ءِ درئی کار بلاول بھٹو زرداری ، بنجاھی وزیر چوہدری سالک حسین ، احسن اقبال، انجینئر خرم دستگیر خان، مریم اورنگزیب، سر وزیر سندھ مراد علی شاہ، چینی نائب ناظم الامور پانگ چن شوئی ءُ سندھ ءِ وزیر ءِ ھاٹیگ امتیاز احمد شیخ ھم ساڑی ات۔ اے منصوبگ 3.53 ارب ڈالر ءِ یک شلیں در ملکی سرمایہ کاری ءَ چہ جوڑ کنگ بوتگ انت۔
