تھرپارکر۔22مارچ (اے پی پی): مزن وزیر محمد شہباز شریف ءَ گوشتگ کہ تھر ءِ پڑ مرچی سرجمیں پاکستان ءِ واستہ روشنائی شنگ ءُ تالان کنگ ءَ انت ءُ پاکستان ءِ دیمروئی ءُ وشھالی ءِ بنجاہ جوڑ بوھگ ءَا نت۔ کشت ءُ کشار، ٹیکنالوجی ، تجارت ، سرمایہ کاری ءُ اکنامک زونز ءِ برجائی سی پیک ءِ اولی بھر انت ایشرا دیم ءَ ودینگ ءِ وھد اتکگ۔ اتحادی حکومت یکجا بوھان ءَ پاکستان ءَ را سکی ءَ چہ در کنت، پاکستان ءِ دیمروئی ءِ دژمن ءُ بدواہ آناں دپ پروشیں پسو رسیت۔ آئین ءِ پاکستان مئے درستانی واستہ شرپ مند انت۔ پاکستان ءِ دراج برئیں سیت ءِ واستہ مارا وتی زات ءَ را قربان کنگ کپ ائیت گڈا ایش ٹوھیں گپ ءِ نہ ات۔ ءُ کانود ءَ چہ برزتر اچ کس نیست، اچ کس ناشرکار آناں پناہ دات کت نہ کنت، ناشرکار آناں ڈھال جوڑ کنگ لائک ءِ سگ ءُ اوپار نہ انت ایشی ءِ اجازت ءَ نہ دیاں۔ آ چار شمبے ءَ تھر ءَ ھندی اشکر ءَ چہ چلوکیں ھاٹیگ ءِ 2 منصوبگ آنی بنگیجی مراگش ءَ گوں گشتانک دیان ءَ کت۔ اے موہ ءَ سر وزیر سندھ سید مراد عرلی شاہ ، وزیر درئی کار بلاول بھٹو زرداری، بنجاھی وزیر احسن اقبال، چوہدری سالک حسین، انجینئر خرم دستگیر، مریم اورنگزیب ، چینی نائب ناظم الامور پانگ چن شوئی ، سندھ کے وزیرھاٹیگ ءُ پاکستانی ءُ چینی کمپنی آنی کارندہ ھم ساڑی اتنت۔
