اسلام آباد۔22مارچ (اے پی پی): ملک مستر ڈاکٹر عارف علوی ءَ ناشرکاری ء ُ بیم کاری ءِ ہلاسی ءِ ھاترءَ وتی کوشست برجاہ دارگ ءِ جزم ءِ درشانی کتگء ُ شہیدآناں پہ وطن ءِ ھاترءَ جان ندر کنگ ءَ دادءُ سلام پیش کتگ۔ چارشمبے ءِ روچءَ ایوان صدر ءِ پریس ونگ ءَ چہ شنگ بوتگیں اپسوزی بیان ءِردءَ ملک مسترءَ بریگیڈیئر مصطفیٰ برکی ءُ ایندگہ اُردانی شہیادت ءِ سرءَ گم ء ُ رنج ءِ درشا نی کتگ۔ آئی ءَ گشتگ کہ ناشرکاری ءِ سرجمیں ہلاسی ءِ ھاترءَ راج وتی بہادریں فوج ءِ گوما اَنت۔ ملک مسترءَ شہیدآنی ھاترءَ مزنیں درجگانی ءُ حاندان ءِ ھاترءَ سگءُ اوپار ءِ دعا کتگء ُ شہیدآناں پہ ملک ءِ ھاترءَ جان ندر کنگءَ دادءُ سلام پیش کتگ۔
