اسلام آباد۔ 21 مارچ (اے پی پی) صدر مملکت ڈاکٹر عارف علوی آل پاکستان نیوزی پیپرز سوسائٹی نا پوسکن گچین مروک آ عہدیدار آتے مبارکبادی تسنے۔ ایوان صدر نا پریس ونگ آن سے شنبے نادے آ جاری بیان نا رداٹ صدر مملکت ناز آفرین سہگل لاکھانی و سرمد علی ءِ اے پی این ایس نا امنائی صدر و سیکرٹری جنرل گچین مننگ آ مبارکبادی ترسا اومیت ظاہر کرے کہ پوسکن گچین مروک آ عہدیدار آک ملک اٹی میڈیا نا شونداری کن گام گیج آتے پین ترند کیرہ۔ صدر مملکت امتنان شاہد ءِ بطور سینئر نائب صدر، محمد اسلم قاضی ءِ نائب صدر، ایس ایم منیر جیلانی نا بطور جوائنٹ سیکرٹری و شہاب زبیری نا بطور فنانس سیکرٹری اے پی این ایس گچین مننگ آ ہم مبارکبادی پیش کرے۔ اوپارے کہ میڈیا ملک اٹی امن، سگ، اخلاقی و جمہوری قدر انا مون آ دننگ کن کاریم کے۔ ڈاکٹر عارف علوی فیک نیوز نا توننگ کن اخبار آتا کنڈآن کڑد ادا کننگ نا گرج آ زور شاغسا پارے کہ میڈیا راجی ویل، زالبول و خصوصی بندغ آتا حق آ مخلوق اٹی آگاہی ودی کے۔
