اسلام آباد۔ 21 مارچ (اے پی پی) اسپیکر قومی اسمبلی راجہ پرویز اشرف آل پاکستان نیوزپیپرز سوسائٹی نا پوسکن گچین مروک آ عہدیدار آتے مبارکبادی تسنے۔ سے شنبے نادے آ تینا بیان اٹی اوآل پاکستان نیوز پیپرز سوسائٹی نا پوسکن گچین مروک آ عہدیدار ناز آفرین سہگل لاکھانی ءِ صدر، سرمدعلی ءِ سیکرٹری جنرل ، امتنان شاہد ءِ سینئر نائب صدر ، محمد اسلم قاضی ءِ نائب صدر ، ایس ایم منیر جیلانی ءِ جوائنٹ سیکرٹری و شہاب زبیری ءِ فنانس سیکرٹری گچین مننگ آ مبارکبادی پیش کرے۔ اسپیکر قومی اسمبلی دااومیت نا درشانی ءِ کرے کہ آل پاکستان نیوز پیپرز سوسائٹی نا پوسکن گچین مروک آ عہدیدار آک ملکی اٹی میڈیا نا شونداری کن تینا کوشست آتے برجاتخرہ۔ اوپارے کہ میڈیا ملک اٹی امن، سگ، اخلاقی و جمہوری قدر انا مون آ دننگ کن تینا زمواری اٹ کڑد ءِ ادا کے۔ اسپیکر قومی اسمبلی میڈیا ءِ ملک اٹی جعلی خبرآتا توننگ کن اخبار آتا کنڈآن کڑد ادا کننگ نا گرج آ زور شاغا۔ اوپارے کہ میڈیا زرگزرانی و راجی ویل آتا ایسری کن مثبت سلاہ تیان معلومدار کرے۔ اونا پاننگ ئس کہ راج اٹی اخلاقی قدر انا ودوک آگراوٹ، بے سگی نا چٹفنگ و ملکی ویل آتا بارواٹی جوڑ کروک آ بے یقینی نا کیفیت نا چٹفنگ کن میڈیا نا کڑد بھاز اہمیت تخک۔
