اسلام آباد۔ 21 مارچ (اے پی پی) پارلیمنٹ نا اسیجائی دیوان نا شیڈول ءِ بدل کننگانے ہرانا رداٹ پارلیمنٹ نا اسیجائی دیوان مورخہ 10 اپریل نا جاگہ غا پگہ (چارشنبے، 22 مارچ ) آ اڈ ہلیک۔ قومی اسمبلی سیکرٹریٹ نا رداٹ پارلیمنٹ نا اسیجائی دیوان مورخہ 10 اپریل 2023آ دے انا 11 بجہ نا جاگہ غا 22 مارچ آ بیگہ نا 4 بجہ غاپارلیمنٹ ہاؤس اٹی اڈ ہلیک۔ اسپیکر قومی اسمبلی اسیجائی دیوان نا شیڈول اٹی بدلی ءِ پارلیمنٹ نا جوائنٹ سیٹنگز رولز 1973 نا قاعدہ 4 نار داٹ تروک آ واکداری تے کاریم اٹ اتسا کرینے۔ پارلیمنٹ نا اسیجائی دیوان نا شیڈول اٹی بدلی نا نوٹیفکیشن ءِ جاری کننگانے۔
