اسلام آباد۔ 21 مارچ (اے پی پی) مچ آ ملک اٹی 24 گھنٹہ ٹی کورونا دین انا 105 پوسکن ءُ کیس رپورٹ مسنے ہرافتیان 18 ناجوڑ آتا حالیت نازرک ءِ۔ سے شنبے نادے آ قومی ادارہ جان جوڑی (این آئی ایچ ) نا کنڈآن جاری حساب وکتاب نا رداٹ مچ آملک اٹی 24 گھنٹہ ٹی کورونا دین انا 3 ہزار 768 ٹیسٹ کننگا ہرافتیان 105 بندغ آتا ٹیسٹ مثبت بس، مثبت کچ 2.79 درسد ئس و داوخت آ کورونا دین آن اسہ ناجوڑ اس ہم زوال کتنے ولے 18 ناحالیت نازرک ءِ۔ تدوک آ 24 گھنٹہ ٹی ملک انا چندی شار تیٹی کروک آ کورونا ٹیسٹ و مثبت کیس آتا بابت لاہور اٹی 640 آن 27 بندغ آتا ٹیسٹ مثبت بس و ہموڑے کچ 4.22 درسد ئسک، ہندا وڑ اسلام آباد اٹی 186 آن 18 بندغ آتا ٹیسٹ مثبت بس و کچ 9.68 درسد ئسک، کراچی ٹی 1003 بندغ آتیان 47 نا ٹیسٹ مثبت بس و ہموڑے کچ 4.69 درسد ئس وخت اس کہ ملتان اٹی کروک آ 124 بندغ آتیان 2 نا ٹیسٹ مثبت بس و ہموڑے مثبت کیس آتا کچ 1.61 درسد ئسک۔
