اسلام آباد۔ 21 مارچ (اے پی پی) ملک آن واپاری خذمت آتا برآمد آتیٹی برجامالی سال انا اولیکو 8 تُو اٹی سالانہ بنداو تیا اسہ درسد نا نمو ریکارڈ کننگانے۔ پاکستان بیورو شماریات و اسٹیٹ بینک انا کنڈآن جاری کروک حساب وکتاب نا رداٹ واپاری و کاروباری خذمت آتا برآمد آتیان برجامالی سال انا اولیکو 8 تُو اٹی ملک ءِ 1.053 ارب ڈالر نا زرمبادلہ دوئی مس ہرا تدوک آ مالی سال انا ہند امد انا مقابلہ ٹی اسہ درسد زیات ءُ۔ تدوک آ مالی سال انا ہندا مد اٹی واپاری و کاروباری خذمت آتا برآمد آتیان ملک ءِ 1.043 ارب ڈالر نا زرمبادلہ دوئی مسوسس۔ فروری ٹی واپاری و کاروباری خذمت آتیان ملک ءِ 110 ملین ڈالر نا زرمبادلہ دوئی مس ہرا تدوک آ سال فروری نا مقابلہ ٹی 20 درسد کم ءُ۔ تدوک آ سال فروری ٹی واپاری و کاروباری خذمت آتا برآمد آتیان ملک ءِ 137 ملین ڈالر نا زرمبادلہ دوئی مسوسس۔ جنوری نا مقابلہ ٹی فروری ٹی واپاری و کاروباری خذمت آتا برآمد آتیٹی ماہانہ بنداو تیا 15 درسد نا کمتی ریکارڈ کننگانے۔ جنوری ٹی واپاری و اکاروباری خذمت تا کچ 130 ملین ڈالر ریکارڈ کننگا ہرا فروری ٹی کم مرسا 110 ملین ڈالر مس۔
