اسلام آباد۔ 21 مارچ (اے پی پی) ملک اٹی براہ راست پیشن نا زرکاری ٹی فروری ٹی سالانہ بنداو تیا 11 درسد نا نمو ریکارڈ کننگانے۔ اسٹیٹ بینک انا کنڈآن جاری کروک حساب وکتاب نا رداٹ فروری ٹی ملک اٹی براہ راست پیشن نا زرکاری نا کچ 101 ملین ڈالر ریکارڈ کننگا ہرا تدوک آ سال فروری نا مقابلہ ٹی 11 درسد زیات ءُ۔ تدوک آ سال فروری ٹی ملک اٹی 91 ملین ڈالر نا براہ راست پیشن نا زرکاری ریکارڈ کننگاسس۔ حساب وکتاب نا رداٹ برجامالی سال انا اولیکو 8 تُو اٹی ملک اٹی 784 ملین ڈالر نا براہ راست پیشن نا زرکاری ریکارڈ کننگا ہرا تدوک آ مالی سال انا ہندا مد انا مقابلہ ٹی 40 درسد کم ءُ۔ تدوک آ مالی سال انا ہند امد اٹی ملک اٹی براہ راست پیشن نا زرکاری نا کچ 1.315 ملین ڈالر ریکارڈ کننگاسس۔
