کوئٹہ۔ 21 مارچ (اے پی پی) مسلم لیگ (ن) ضلع کوئٹہ نا صدر ارباب اقبال کاسی پیشن نا ملک آن دفاعی ادارہ غاتا برخلاف مہم نا مذمت ءِ کرسا پارے کہ اسہ سجفوک ءُ سازش اسے نا رداٹ پاک فوج انا ادارہ غاتے تنقید نا شست کننگ انگ ءِ۔ منفی پروپیگنڈا ملک دشمن زموار آتا ایجنڈا نا پوروی ءِ، پاکستان مسلم لیگ (ن) و بلوچستان نا محب وطن و غیرتی الس داوڑنا ہر سازش نا پبی مذمت ءِ کیرہ، سے شنبے نادے آ تینا بیان اٹی پاکستان مسلم لیگ (ن) نا راہشون پارے کہ نن ریاست بچفنگ کن تینا سیاست ءِقربان کرین و حکومت ملک ءِ ساڑی آ تنکی تیان ضرور کشک، سیاست ءِ آخا ریاست ءِ بچفنگ نا وخت بس۔ پی ٹی آئی زرگزران ءِ بھسکاری و بربادی نا دنگ آ ایسوسس، عمران خان پیشن نا سازش آتا بشخ مسنے و ہموفتا اشارہ غاتیا بے چیٹی نا منفی سیاست کننگ اٹی ءِ۔
