کوئٹہ۔ 21 مارچ (اے پی پی) بلوچستان فوڈ اتھارٹی کوئٹہ ٹی اوار سوار پاڷ تا بہا کننگ آ جناح ٹاؤن اٹی کارروائی کرسا 2 ملک شاپ ءِ جرمانہ و سفائی نا سہی بست وبند مفننگ آ چندی تے اصلاحی نوٹس جاری کرے۔ بی ایف اے کمامدارآتا رداٹ موقع غا ٹیسٹ کروک چندی دوکان و ہوٹل آتیان ہلوک آ سمپل آتیان 2 ملک شاپ آتا پاڷتیٹی دیر انا بھلو کچ اسے ٹی اوار سوار خننگا، ہراڑا ہندا ملک شاپ آتا برخلاف ایکشن ہلنگا۔ ملک شاپ مالک آتے سفائی، پاڷتا ٹرانسپورٹیشن و چندی ڈیری پراڈکٹ آتا سٹوریج نا بست وبند حفظان صحت نا اصول آتا رداٹ پک کننگ نا پارت کننگا۔ داکان بیدس مالک آتے تنبیہ کننگا کہ تینا دوکان تیان سپلائی و بہاکروک پاڷانا وڑتا بارواٹی دوکان تیٹی نمان جاگہ غا سرجم آتے خلیر۔ داکان بیدس بی ایف اے کمامدارآک مشن روڈ کوئٹہ ٹی انسپیکشن کریر و ایس او پی تا خلا ف ورزی آ 1 بریانی شاپ اسے جرمانہ و چندی تے اصلاحی نوٹس جاری کرے۔
