اسلام آباد۔ 20 مارچ (اے پی پی) وزیراعظم شہباز شریف فوج و اونا سروک نا برخلاف پیشن نا ملک غلیظ مہم نا ترندی اٹ مذمت ءِ کرسا پارینے کہ آرمی چیف نا برخلاف مہم ناقابل سگ و ادارہ غاتا برخلاف سازش نا تسلسل ءِ، پیشن نا ملک محب وطن پاکستانی فارن فنڈڈ مہم نا برخلاف توار بڑز کیر۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم پارے کہ پیشن نا ملک پاکستانی تا کمک اٹ زیاری سیاست ءِ تالان کننگ انگ ءِ۔ وزیراعظم پارے کہ پیشن نا ملک پاکستانیک دا سازش اٹی بشخ ہلپس، عمران خان ادارہ و اوفتا سروک آتے تینا گندی سیاست اٹ گرکرسا آئین شکنی کننگ ءِ۔ وزیراعظم پارے کہ وزیرداخلہ ملک انا تہہ ٹی ادارہ غاتا برخلاف غلیظ مہم چلیفوک آتون سختی اٹ مون ایتے۔ پاکستان اٹی ہڑدڑ، پھسات و بغاوت ءِ تہو تروک آتا برخلاف سخت کانودی کارروائی کننگے۔ میرٹ آ تعینات مروک آ آرمی چیف نا برخلاف مہم ملک دشمن تا ایجنڈا مننگ کیک۔ قوم تینا ادارہ غاتون سلوک ءِ، شرپسند آتا برخلاف متحد ءِ۔
