راولپنڈی۔ 20 مارچ (اے پی پی) لمہ وطن نا رکھ اٹی تینا جون تے ندر کروک آ پاک فوج انا شہیدآک ننا قومی ہیروک ءُ، نائب صوبیدار سراج الدین شہید نا خاہوت نا اینو ہم ہموجوزہ ءِ۔ امن دشمنک ہراتم کہ ہکل تسر پاک فوج انا نرزور گلزادہ غاک جون نا پرواہ ءِ کپرسا دشمن نا ارادہ غاتے مش تا کریر۔ نائب صوبیدار سراج الدین شہید نا شمار ہم ہندا شہید آتیٹی مریک۔ نائب صوبیدار سراج الدین سویلی وزیرستان اٹی دہشت گردی نا برخلاف نرزوری اٹ جنگ ترسا 14 فروری 2021 آ شہیدی نا جام ءِ نوش کرے۔ نائب صوبیدار سراج الدین نا اُرائی نا پاننگ ئسک کہ یات تو ہموفتے کننگک ہرافتے است آن دننگے۔ شہیدی نا رتبہ نصیب والاتے ملک۔ اوپارے کہ شہیدی آن پد پاکستان آرمی ننا بھاز خیال ءِ تخا۔ نائب صوبیدار سراج الدین نا لمہ پارے کہ ای تینا مار آ گمر کیوہ۔ اگہ کنے پین مار مروسس تو اوفتے ہم وطن نا خاطر قربان کریٹہ۔ شہید نا مار پارے کہ ای ہم تینا باوہ نا نقش قدم آ چلینگسا آرمی ٹی شمولیت اختیار کیوہ۔ شہید نا مسڑ پارے کہ بابا نا گڑیا اُٹ، کنے بابا بھاز یات بریک۔
