لاہور۔ 20 مارچ (اے پی پی) لاہور ہائی کورٹ اٹی چیئرمین تحریک انصاف عمران خان ءِ توشہ خانہ کیس اٹی الیکشن کمیشن نا کنڈآن پارٹی نا کماشی آن اینک کننگ نا نوٹس آتا برخلاف دائر درخواست ءِ سماعت کن مقرر کننگا۔ لاہور ہائی کورٹ نا جسٹس شاہدبلال حسن نا کماشی ٹی پنچ باسکی فل بنچ پگہ سے شنبے نادے آ کیس انا سماعت ءِ کیک۔ بنچ انا ایلو باسک آتیٹی جسٹس شمس محمود مرزا، جسٹس شاہد کریم، جسٹس شہرام سروس چودھری و جسٹس جواد حسن ئسک اوار ءُ۔ عمران خان الیکشن کمیشن نا کنڈآن پارٹی نا سروک نا عہدہ غان اینک کننگ نا نوٹس آتے چیلنج کرینے۔ یات سلے کہ جسٹس جواد حسن دادرخواست آ سماعت کرسا فل بنچ اس جوڑ کننگ نا سفارش کریسس و الیکشن کمیشن ءِ ہروڑنا تادیبی کارروائی آن توریسس۔
