گورنر سندھ تون پرتگال نا سفیر نا اوڑدہی

کراچی۔ 20مارچ (اے پی پی) گورنر سندھ کامران خان ٹیسوری تون پرتگال نا سفیر مینوئل فریسیر یکو پنہیر وداسلواگورنر ہاؤس اٹی اوڑدہی کرے۔ جاری اعلامیہ نا رداٹ دا وخت آ پرتگال نا اعزازی قونصل جنرل ایاز فقیر ہم ساڑی ئسک۔ اوڑدہی ٹی ہڑتوم آ کنڈآتا واپاری و اقتصادی تعلقداری، اوفتے ٹی ودکی نا گام گیج، صوبہ سندھ اٹی زرکاری نا وارخواہی تیا گپ وتران و نوکاپ زہمی تا بحالی نا گام گیج ، واپاری ڈل آتا ہن و بر و تین پہ تینی است خواہی نا ایلو امور تیا گپ وتران مس۔ گورنر سندھ فٹبال نا گوازی نا بابت گپ وتران کرسا پارے کہ رونالڈو پاکستان اٹی پنی آ فٹبالرآتیان اسٹ ءِ۔ اوپارے کہ پاک پرتگال تعلقداری وخت گدرینگ تون اوار پین سوگو مننگ ءِ۔ دارداٹ پرتگال نا زرکاری آن صوبہ ٹی روزگار ناوارخواہی ٹی ودکی مریک۔ اوپارے کہ پرتگال آن واپار اٹی ودکی نا است خواہندار اُن۔ ملک انا زرگزرانی حب کراچی ٹی چندی بشخ آتیٹی زرکاری نا بھلو وارخواہی اس دستیاب ءِ۔ پرتگال نا سفیر پارے کہ پرتگال نا زرکار آک صوبہ ٹی زرکاری ٹی است خواہی تخرہ۔