کوئٹہ۔ 20 مارچ (اے پی پی) بلوچستان فوڈ اتھارٹی کوئٹہ نا علاقہ مشن روڈ آ کارروائی ٹی ایس اوپی تا خلاف ورزی آ اسہ بریانی شاپ اسے جرمانہ و چندی تے اصلاحی نوٹس جاری کرے۔ بلوچستان فوڈ اتھارٹی بریانی شاپ اٹی سفائی نا ہیبدار حالیت، بے آب اٹ کوکنگ آئل و مضر صحت فوڈ کلرآتا کاریم اٹ اتنگ آ جرمانہ کرے و حفظان صحت نا اصول آتے پک کننگ نا …
بلوچستان فوڈ اتھارٹی نا کارروائی، ایس او پی تا خلاف ورزی آ اسہ بریانی شاپ اسے جرمانہ، چندی تے اصلاحی نوٹس جاری
کوئٹہ۔ 20 مارچ (اے پی پی) بلوچستان فوڈ اتھارٹی کوئٹہ نا علاقہ مشن روڈ آ کارروائی ٹی ایس اوپی تا خلاف ورزی آ اسہ بریانی شاپ اسے جرمانہ و چندی تے اصلاحی نوٹس جاری کرے۔ بلوچستان فوڈ اتھارٹی بریانی شاپ اٹی سفائی نا ہیبدار حالیت، بے آب اٹ کوکنگ آئل و مضر صحت فوڈ کلرآتا کاریم اٹ اتنگ آ جرمانہ کرے و حفظان صحت نا اصول آتے پک کننگ نا پارت کرے وخت اس کہ سیٹلائٹ ٹاؤن اٹی ہیبدار کنوئی آ گڑاتا بہا و فوڈ بزنس لسین نا مفننگ آ 3 بیکرآتون اوار خور انا 5 ہند آتے جرمانہ و ہیبدار بست وبند آتیا چندی تے وارننگ نوٹس جاری کرسا جرمانہ کننگا، گڑاتا پیکنگ کن پرنٹڈ پیپر(اخبار) نا کاریم اٹ اتنگ، مصنوعات آتیا مینو فیکچرنگ و ایکسپائری تاریخ ظاہر کپننگ آ کارروائی کننگا، انسپیکشن اٹی اسہ جنرل اسٹور اسے آن میعاد آن زیات کولڈ ڈرنک آتا ساڑی گری و لیسن نا مفننگ آ مالک آتے اولیتی بنداو تیا بلوچستان فوڈ اتھارٹی نا ہیڈ آفس تون رابطہ کننگ نا تنبیہ کننگا۔
