بنجائی وزیر شازیہ مری نارووال اٹی بینظیر نشوونما سینٹر نا بناءِ کرے

لاہور۔ 19  مارچ (اے پی پی) بنجائی وزیرو چیئرپرسن بے نظیر انکم سپورٹ پروگرام شازیہ مری نارووال اٹی بینظیر نشوونما سینٹر نا بناءِ کرے۔ اویک شنبے نادے آ بنجائی وزیر ڈٹ بندی احسن اقبال تون اوار ڈسٹرکٹ ہیڈ کوارٹر ہسپتال نارووال اٹی بینظیر نشوونما سینٹر نا بناءِ کرے۔ داوخت آ ورلڈ فوڈ پروگرام نا نمائندہ ڈاکٹر عمارہ خان ہڑتوم آ وزیرآتے حوال تس۔ بنجائی وزیر شازیہ مری پروگرام ءِ اہم گوندسا پارے کہ چناتیٹی خور انا کمتی اوفتا ذہنی و جونی نشوونما آ بھلو اثراس شاغک۔ بینظیر نشوونما پروگرام نا بارواٹی ہیت کرسا بنجائی وزیر پارے کہ دا پروگرام نا رداٹ بینظیر کفالت پروگرام آن فائدہ ہرفوک آ پڈ پُر و پال کنفوک آ زالبول آتے خصوصی خور و سہ مالی مالی وظیفہ ہم تننگک۔ اوپارے کہ چنانا لمہ کن وظیفہ 2000 و مسڑنا لمہ کن 2500 روپئی مقرر ءِ۔ شازیہ مری مستی پارے کہ دا مسخت کن مچ آ ملک اٹی 400 آن زیات یکتا نشوونما ہند جوڑ کننگانے۔ داوخت آ ہندی راجی و سیاسی راہشون، زالبول آتون اوار ایلوفک بھلو کچ اسے ٹی ساڑی ئسر۔