گاڈی تیٹی سرچ لائٹ، مون انگا شیشہ خلنگ و مسافربردار گاڈی تیٹی تیل انا سپلائی کانونا ڈوہ اسے، خلاف ورزی آ کارروائی کننگک، قلات نیشنل ہائی وے پولیس

کوئٹہ۔ 19 مارچ (اے پی پی) ڈپٹی کمشنر قلات منیر احمد درانی پارینے کہ گاڈی تیٹی سرچ لائٹ، مون انگا شیشہ خلنگ ومسافر بردار گاڈی تیٹی تیل انا سپلائی کانونا ڈوہ ءِ، خلاف ورزی کروک آتا برخلاف سخت کارروائی کننگک۔ اوپارے کہ مسافر بردار گاڈی تیٹی تیل اکن ودکی ٹینک خلسا تیل انا سپلائی ءِ اسُل سگپنہ۔ منیر احمد درانی پارے کہ ڈیور آتے انسانی جون تتون گوازی کننگ نا موکل تننگ کپنہ۔ دا چرجوئی ٹی ڈیوالئی ءِ سگنگ پننگک۔ اوپارے کہ نیشنل ہائی وے آ ٹریفک شکست آتا توننگ کن ٹریفک کانود آ ہرحال اٹ عمل کرفنگک دا چرجوئی ٹی ہڑدے ئی بنداو آ گاڈی تا چیکنگ نا عمل ءِ ترند کننگانے۔ ایلو کنڈا امروز ڈپٹی کمشنر قلات منیر احمد درانی نا خصوصی پرمان تے مو ن آتخسا اسسٹنٹ کمشنر قلات جہانزیب بلوچ نا چاروکی ٹی ایس ایچ او قلات و لیویز رسالدار جان محمد لانگو رسالدار علی احمد مینگل لیویز ورناتتون اوار ٹول پلازہ نا ہند آ ناکہ خلسا گاڈی تا چیکنگ نا بناءِ کریر۔