حکومت بلوچستان نا کنڈآن اولیکو یوم پاکستان گیمز 2023بلوچستان اسپورٹس کمپلیکس اٹی اڈ ہلک

کوئٹہ۔ 19 مارچ (اے پی پی) حکومت  بلوچستان نا کنڈآن یوم پاکستان نا بابت اولیکو گیمز 2023 بلوچستان اسپورٹس کمپلیکس اٹی اڈتننگانے ہراٹی 40 آن زیات جتا گیمز سیلف ڈیفنس، جٹسا، کک باکسنگ، میل و فی میل چیمپین شپ ءِ اوار کننگا۔ دود اٹی مہمان خاص اسسٹنٹ ڈائریکٹر اسپورٹس جناب کامران خورشید صاحب و اتحاد تاجران و جناح حیدری مارکیٹ نا صدر علی جان یوسف زئی تون اوار شار انا پنی آ اسپورٹس کلب، جٹسا ہیڈ کوارٹر، خان اسپورٹس اکیدمی، واپڈدا تھرمل، نایاب اسپورٹس اکیڈمی، امین مارشل آرٹس، ٹائیگر اسپورٹس اکیڈمی، قاری اسپورٹس اکیڈمی سید نادر کاظمی اسپورٹس اکیڈمی، حبیبی اسپورٹس اکیڈمی، شاہین اسپورٹس اکیڈمی، سالار و غورغشت اسپورٹس اکیڈمی نا 200 آن زیات میل ، فی میل اتھلیٹس آک بشخ ہلکر و چندی کیٹیگری تیان تعلق تخوک آ 39 میل و 21 فی میل گوازی گر گولڈ ، سلور و برونز میڈل دوئی کریر۔ دود انا ایسر آ جٹسا سلف ڈیفنس نا مرکزی صدر سمیع اللہ کاکڑ اسپورٹس فیسٹیول نا سرسہب اڈتننگ آ منتظمین ، مہمان خاص، گوازی گر و ایلو بشخ ہلوک آتے خراج تحسین پیش کرے۔