آئین ءَ را نقصان  دیئگ ء ُ آئی ءِ گوما لیب کنوکانی ناماناں  دیمءَ آیگ لوٹ ایت، سینیٹر عرفان صدیقی

اسلام آباد۔17مارچ  (اے پی پی):مسلم لیگ (ن) ءِ سینیٹر عرفان صدیقی ءَ گشتگ کہ سینیٹ ءِ نیمگءَ چہ آئین ءِ گولڈن جوبلی ءِ موہ ءَ دیوان کنگ باز وشیں گامگیج اِت،  مرچی معاشی  جیڑہ ء ُ جنجال ءُ سیاسی کستء ُ کینگ ءِ  سوب  ایش اِنت کہ جمہوریت ءِ  سفر دیما رؤگ ءَ نیشتگ، آئین ءَ نقصان دیئگ ء ُ  آئی ءِ  گوما لیب کنوکانی  ناماناں دیما آیگ لوٹ ایت۔ جمعہ ءِ روچءَ مزن گس ءِ ڈن ءَ  حال درءَگوں گپء ُتران کتگء ُ آئی ءَ گشتگ کہ سینیٹ ءِ نیمگءَ چہ  آئین ءِ گولڈن جوبلی ءِ موہ ءَ دیوان کنگ وشیں گامگیج اِت۔ سینیٹ  ہائوس آف فیڈریشن ء ُ بنجاہی ءِ لوگ اِنت۔ الیکٹرانک و پرنٹ میڈیاءَ سرجمیں راج ءَ را  سینیٹ ءِ کردءَ چہ سرپد کتگ۔ آئی ءَ گشتگ کہ مرچی  اے معاشی بدحالی ء ُ سیاسی تکانسری ءَ  سربوتگ اَنت۔ اے درائیں اے سوب ءَ چہ بوہگءَ  اِنت کہ جمہوریت ءِ سفر دیماءَ رؤگ نیشتگ۔ سینیٹر عرفان صدیقی ءَ گشتگ کہ سینیٹءَ را 50 سال بوتگ، اے 50 سالانی تہا ضیا الحق ءِ دورءَ  سینیٹءِ تہا مھتلی ہم اَتکگ۔ بازیں باسکاں گشتگ کہ  آیاں آئین سازی  کتگء ُ آئین ءِ  رکینگ ءِ ھاترءَ کرد پیلو کتگ، آئیءَ را ساڑاہگ لوٹ ایت ء ُ  ہرچ مردماں کہ آئین ءَرا پروشتگ آیاناں ایر جنگ  لوٹ ایت۔ آئی ءَ گشتگ کہ من ءَ اپسوز اِنت کہ  سینیٹ ءِ  ہم تپاکیں تپاک نامہ ءِ تہا منی ترمیم ہوار کنگ نابوتگ ء ُ اے تپاک نامہ ءِ  تہا بازیں ناسکانی مارشت ء ُ جزبگانی سرجمی ءَ  درشانی نہ بوتگ۔