اسلام آباد۔17مارچ (اے پی پی):چیئرمین سینیٹ محمد صاد ق سنجرانی ءَ گوں ایم سی سی ریسورس ڈویلپمنٹ کمپنی ءِ صدر ذینگ ذین جنگءَ مزن گس ءَ گندء ُنندکتگ۔ گندء ُنندءِ تہا دونیمگی سیادی ءَ ہوار دونیمگی کارانی سرءَ ھیال ء ُ لیکہ ءِ درشانی کنگ بوتگ۔ سینیٹ سیکرٹریٹ ءِ ردءَ محمد صادق سنجرانی ءَ گشتگ کہ پاکستان ء ُچین ءِ نیامءَ براتیں سیادی ءِ راج دپتر باز کوھن اِنت، پاکستان …
سینیٹ ءِ چیئرمین محمد صادق سنجرانی ءَ گوں ایم سی سی ریسورس ڈویلپمنٹ کمپنی ءِ صدرءِ گندء ُنند
اسلام آباد۔17مارچ (اے پی پی):چیئرمین سینیٹ محمد صاد ق سنجرانی ءَ گوں ایم سی سی ریسورس ڈویلپمنٹ کمپنی ءِ صدر ذینگ ذین جنگءَ مزن گس ءَ گندء ُنندکتگ۔ گندء ُنندءِ تہا دونیمگی سیادی ءَ ہوار دونیمگی کارانی سرءَ ھیال ء ُ لیکہ ءِ درشانی کنگ بوتگ۔ سینیٹ سیکرٹریٹ ءِ ردءَ محمد صادق سنجرانی ءَ گشتگ کہ پاکستان ء ُچین ءِ نیامءَ براتیں سیادی ءِ راج دپتر باز کوھن اِنت، پاکستان ء ُ چین آئینی برات اَنت، بے مٹیں ہمسائگ ء ُ گہتریں سٹرٹیجک شریدار اَنت۔ سینیٹءِ چیئرمین ءَ گشتگ کہ پاکستان ء ُ چین ءِ نیامءَ دونیمگی اوست ءِ سیادی است ء ُ دوئیں ملک آنی نیام ءَ اُلسی تکءَ نزیکیں براتیں سیادی است۔ آئی ءَ گشتگ کہ چین ءِ گوما سیادی مئے دری پالیسی آنی تہا بازیں حاسیں بستار داراں ء ُ ہمے سوب اِنت کہ درائیں سیاسی جماعت چین ءِ گوما دونیمگی کمک ء ُ دوستی ءِ سرءَ یکجاہ اَنت۔ آئیءَ گشتگ کہ شی جن پنگ ءِ سروکی ءَ چین ءَ جوانیں دیمروئی کتگ آئیءِ دورء ُ زمانگ ءَ حکومتءِ تہا پاکستان ء ُ چین ءِ سیادی ءَ دیمروئی کتگ۔ آئی ءَ گشتگ کہ چین ءِ گوما براتیں سیادی ءَ را گیش گہتر کنگ بہ بیت۔
